NIDA yapokea BVR kits 5000 kutoka NEC

Imewekwa: August 28, 2017

Akizungumza wakati wa kukabidhiwa BVR kits hizo Meneja wa mifumo na ukarabati kutoka NIDA Mohamed Mashaka amesema kukabidhiwa kwa vifaa hivyo kumekuja wakati muafaka wakati mamlaka hiyo ikijipanga kuhakikisha watanzania wengi wanapatiwa vitambulisho vya taifa.

Alibainisha kuwa kwa sasa NIDA ina Kits 1503 ambazo hazitoshi ndiyo maana wameomba kuongezea BVR Kits 5,000 angalau ziwezekuongeza nguvu zaidi katika zoezi la kuandikisha Vitambulisho vya Taifa.

Kwa upande wake Kaimu Mkuu wa Idara ya Daftari la Kudumu la Wapiga Kura kutoka Tume ya Taifa ya Uchaguzi (NEC) Bw.Amos Madaha aliwahakikishia wawakilishi hao wa NIDA kwamba vifaa walivyowakabidhi vina ubora wa hali ya juu ndio maana wakati wa uandikishaji wa wapiga Kura NEC iliweza kuandikisha Wapiga Kura wengi kwa kipindi kifupi.

Kabla ya makabidhiano ya BVR hizo Mamlaka ya vitambulisho vya Taoifa NIDA walikwishachukua BVR kits 6 kwaajili ya mafunzo kwa maafisa wao na walishajifunza na kuzielewa tayari kwa kuanza zoezi la uandikishaji.

Wakati wa makabidhiano hayo baadhi ya taasisi za serikali zilituma wawakilishi wao kushuhudia zoezi hilo ambao ni kutoka Ofisi ya Waziri Mkuu pamoja na Wizara ya fedha.